Control 2ª Avaliación

Materia avaliable no control da 2ª avaliación.

• Clasificación morfolóxica de: substantivos, adxectivos, artigos, pronomes ou determinantes (demostrativos, posesivos, cuantificadores e identificadores), pronomes persoais, preposicións e conxuncións).

• Clasificación semántica de substantivos, adxectivos e perífrases verbais.

• Segmentación mórfica e xustificación de compoñentes.

• Tipoloxía das oracións interrogativas.

• Contidos de sociolingüística (2 puntos):

1. A antroponimia en galego.
2. A diversidade lingüística e o galego no mundo.
3. A diversidade lingüística de España. A lusofonía.
4. Lingua minoritarias / Lingua minorizadas.
5. Multilingüismo / Bilingüismo / Diglosia.
6. Os prexuízos do galego.

*Nos contidos de sociolingüística desenvolverase un tema a escoller entre dous propostos de entre os seis sinalados.

Convocatoria extraordinaria de setembro 2015

En setembro haberá unha proba extraordinaria que, como tal, está enfocada a comprobar se o alumnado reúne os requisitos mínimos para superar a materia. É por isto que se incidirá nesa proba en aprendizaxes básicas vistas con dedicación durante o curso e que xa o alumnado coñece.

A estrutura da proba será a seguinte:

1 – Cuestións prácticas de lingua (morfoloxía, semántica, perífrases, inf. conxugado). (4 puntos)

2 – Sinala a palabra ou expresión estudada neste curso. (3 puntos)

3 – Pregunta breve de teoría literaria. (2 puntos)

4 – Pregunta de teoría de lingua. (1 punto)

*Lémbrase que o alumnado que non superase a lectura dalgunha das obras obrigatorias en xuño deberá presentarse á proba de lectura en setembro. Para a proba extraordinaria de xuño xa cada alumna e alumno foi informado individualmente da súa situación a este respecto.

Aviso para o alumnado coa materia suspensa en xuño

Proximamente publicaranse neste blog instrucións para a superación da materia en setembro.

Cuestións exame xuño 2015

1 – Cuestións prácticas de lingua (morfoloxía, semántica, perífrases, inf. conxugado). (4 puntos)

2 – Sinala a palabra ou expresión estudada neste curso. (3 puntos)

3 – Pregunta breve de teoría literaria. (2 puntos)

4 – Pregunta de teoría de lingua. (1 punto)

4 cousiñas - 1 dato

Xaime Quessada
8991
Lucas, 13:30
Athos 

(*se che leva demasiado, non che compensa)

A memoria da choiva I - Compilación do léxico

Instrucións de organización do alumnado para a elaboración colaborativa do léxico da obra A memoria da choiva de Pedro Feijoo.

	1A	1B
número na aula	páxinas	páxinas
1	1-14	269-282
2	15-28	283-296
3	29-42	297-310
4	43-56	311-324
5	57-70	325-338
6	71-84	339-352
7	85-98	353-366
8	99-112	367-380
9	113-126	381-395
10	127-140	396-410
11	COMPILADOR	411-426
12	141-154	REVISORA
13	155-168	427-441
14	REVISORA	442-456
15	169-182	457-469
16	183-196	COMPILADOR
17	197-210	COMPILADOR FINAL
18	211-254	exenta
19	255-268	REVISORA FINAL
FUNCIÓNS
BUSCADORES Buscar nas páxinas adxudicadas o léxico descoñecido ou que poida presentar dificultades á hora de ser utilizado nunha creación textual. O formato das entradas debe ser, palabra en negriña e con maiúscula inicial, dous puntos, definición. Ex.: Palabra: Definición. Ordenar ese léxico alfabeticamente. Pasarlle o corrector. Enviarlle un arquivo con identificación ao compilador do seu grupo.
COMPILADORES Deben compilar o léxico de toda a súa aula. Ordenalo alfabeticamente eliminando as posibles repeticións. Pasarlle o corrector. Comprobar que o formato de todas as entradas é igual. Enviarllo á persoa encargada da revisión na súa aula.
REVISORES Debe darlle a última revisión ao arquivo comprobando a orde alfabética, a revisión ortográfica e a non repetición de palabras. Debe enviarlle o léxico da súa aula nun único arquivo ao compilador final. Debe crear unha listaxe de correo da súa aula. Debe enviarlle ao alumnado da súa aula a versión que lle facilite a revisora final.
COMPILADOR FINAL Debe xuntar nun único arquivo os léxicos de todo o libro enviados polas dúas aulas. Debe comprobar a orde alfabética e eliminar as entradas repetidas. Debe pasarlle o corrector. Debe comprobar que o formato de todas as entradas é igual. Debe enviarlle o arquivo final á revisora final.
REVISORA FINAL Debe darlle a última revisión ao arquivo comprobando a orde alfabética, a revisión ortográfica e a non repetición de palabras. Debe enviar o arquivo a: pilarponteclases@gmail.com e aos revisores das dúas aulas para que á súa vez llelo faciliten aos seus compañeiros e compañeiras para que poidan ir avanzando no estudo do léxico de cara ao exame.
PRAZOS Indícanse as datas límite para a entrega do traballo asignado. Prazo compiladores: 8 de abril Prazo revisores: 10 de abril Prazo compilador final: 12 de abril Prazo revisora final: 14 de abril Exame do libro: 24 de abril

Entroido

Máscara do Entroido de Viana do Bolo

Como é moita a materia desta avaliación, non haberá deberes específicos para o Entroido.

Se o desexades podedes ir avanzando na preparación das preguntas de teoría relativas ao bloque Lingua e sociedade.

Feliz Entroido!

______

Preguntas do bloque Lingua e sociedade:

- Sinala as etapas e subetapas da historia da lingua galega coa datación correspondente. (p. 24) (O termo subetapas fai referencia ás subdivisións que podemos establecer dentro do séc. XX)

- Sinala as 4 etapas da evolución da escrita do galego dende o século XIX coa datación correspondente. (pp. 76-79)

- O substrato prerromano e os superestratos xermánico e árabe. (pp. 25-26, 42-43)

- O galego na Idade Media. (pp. 27-29, 46)

- O galego nos Séculos Escuros (pp. 30-31, 46-47)

- O galego no Rexurdimento, o galego popularizante (pp. 60-63, 77-78)

- O galego no primeiro terzo do séc. XX, o galego diferencialista (1900-1936). (pp. 63-64, 78-79)

- O galego da Guerra Civil e da posguerra, o galego protoestándar (1936-1975). (pp. 64, 79-80)

- O galego na democracia, o galego estándar (1975-hoxe). (pp. 64-65, 80)

- Indica os 4 tipos de variedades que podemos atopar no interior das linguas e os criterios de variación que as orixinan. (pp. 94-97)

- Que é unha lingua natural? Que é unha lingua artificial? Que é unha lingua franca? Que é un pidgin? - Que é un crioulo? (p. 110)

- Que son linguas por distancia? Que son linguas por elaboración? (p. 111)

- Que é unha familia lingüística? Cales son as linguas románicas? Que familias lingüísticas proceden do indoeuropeo? (p. 112 e Galipedia)

- Cales son as cinco linguas máis faladas no planeta? - Cantos millóns de persoas falan o portugués? Con cantos millóns de persoas se pode comunicar un galego? (Galipedia)

- Explica a diferenza entre lingua minorizada e lingua minoritaria aplicándoo ao caso galego. (p. 114)

- Sinala as sete linguas oficiais que atopamos na Península Ibérica. (p. 126-127, 164)

- Que lexislación autonómica, estatal e europea recolle a protección do galego? (pp. 127-128, 146-149)

- Analiza os sistemas de normalización no ensino en Galicia, País Vasco e Cataluña e os seus resultados. (pp. 128-129, 148)

- Que territorios abrangue o dominio lingüístico galego? (pp. 143-145)

- Cales son os oito estados que teñen como lingua oficial o portugués? (p. 163)

Semana do 27 de xaneiro

Dado que a vindeira semana teremos o exame de morfoloxía verbal, aprazamos o traballo sobre o libro de lectura obrigatorio para a seguinte semana para que teñades máis tempo para estudar. Con todo, avanzamos un pouco na lectura para que logo non se acumulen moitas páxinas nunha única semana.

Xoves 30 de xaneiro: 
- exame de morfoloxía verbal*.
- compromiso de lectura de Ámote Leo A. ata a páx. 96.

Preguntas do exame de morfoloxía verbal:
- Segmenta as seguintes formas verbais indicando todos os morfemas constituíntes (aínda cando de trate de morfos cero) como fixemos na aula.
- Indica a forma verbal que se corresponde con cada definición.
- Define as seguinte formas verbais.
- Clasifica semanticamente as seguintes perífrases verbais.

*Abrangue o explicado na aula e o apartado de estudo da lingua dos temas 7, 8 e 9 do libro de texto.

Exame 18 de novembro de 2013

Clasifica morfoloxicamente: 

- preposicións e locucións prepositivas

- conxuncións e locucións conxuntivas (indicando tipo e subtipo)

- demostrativos

- posesivos

- substantivos (indicando tamén a clasificación semántica)

- adxectivos (indicando o grao)

- contraccións de preposicións con pronomes e determinantes (p.ex. dunha, destes, etc.)

Organización pola folga contra a LOMCE

 

Debido á folga convocada para esta semana fágovos un avance do que deberedes ter ao día para a vindeira semana e que así todo o mundo se organice como queira. Para respectar o dereito do alumnado que asista á aula nos días de folga, este deberá traer libro de texto e caderno e realizaremos actividades dese libro e doutro que levarei eu. O alumnado que secunde a folga non deberá realizar esas actividades.

Distribución das sesións de aula da semana do luns 28

1ª Sesión - Exame oral ou escrito dos contidos do tema 1, das preposicións e do vocabulario visto ao longo do curso.

2ª Sesión
- Deberedes traer á aula o libro de lectura obrigatoria Ollos de auga de Domingo Villar.
- Do libro deberedes ter lido como mínimo ata o capítulo que inclúa a páx. 100 incluído.