Traballo para o luns 28 de setembro

1 - Vai á nosa páxina de Facebook e en comentarios escribe o nome de 3 linguas europeas vivas que non sinalasen antes as túas compañeiras e compañeiros.
De cada unha delas sinala:
- O número de falantes.
- A súa situación legal.
- A fonte e o ano do dato.

2 - Remata as actividades do Texto 1 ("O día da marmota" de Xosé Maneiro).

*Os vosos comentarios deixádeos na intervención dedicada ás linguas europeas, non como comentario xeral á páxina.

Fío de conversa

Imaxe de aquí.

 Por favor, seguide sempre o mesmo fío de conversa e non creedes unha conversa nova en cada entrega, iso obrígame a buscar todos os vosos correos para saber en que fase do traballo imos.
Lembrade, sempre contestando ao meu correo anterior.
Grazas!

PALABRA MODELO E CUESTIÓNS PROBLEMÁTICAS

De seguido veredes unha palabra ben feita realizada por dúas alumnas de 3ESO que só teñen pendente modificar a imaxe por outra máis grande.
A continuación tedes destacados os principais puntos nos que estades a ter problemas na entrega dos traballos

ACOUGO

Definición:

Substantivo masculino

Estado de quen está tranquilo física ou moralmente.

Non ten acougo entre tantas preocupacións.

Orixe:

Esta palabra deriva de acougar, que ten orixe latina, ben no verbo cubare 'asentar', ben en collocare 'poñer unha cousa no seu lugar', engadíndolles o prefixo ad.

Usos na actualidade:

A palabra “acougo” tamén se utiliza en sentido figurado como estado do que non se move ou parece que non se move (p.ex. Observaba desde as rochas o mar sen acougo) ou co significado de parada no traballo (exemplo: a noite é tempo de acougo).

Frases feitas:

Non acougar en ningures/non ter acougo: non ter descanso.

NOTA: estas frases feitas refírense ao significado de “parada no traballo”, non ao de “estado de quen está tranquilo física ou moralmente).

Familia léxica:

acougar, desacougadamente, desacougado/a, desacougante, desacougar, desacougarse, desacougo

Sinónimos:

alivio, calma, descanso, sosego, tranquilidade

Antónimos:

desacougo, desasosego, inquietude

Palabra noutros idiomas:

Castelán: tranquilidad

Catalán: tranquil•litat

Éuscaro: laisatasun

Francés: tranquilité

Inglés: calmness

Portugués: acougo

Curiosidades:

As ondas Alfa son ondas cerebrais que xunto coas ondas Beta, Theta e Delta forman parte das respostas eléctricas do noso cerebro. De entre estas catro, as ondas Alfa son quizais as máis desexables de ter na nosa actividade cerebral, porque se comprobou que cando o cerebro se atopa en estado de tranquilidade e paz, especialmente nese momento antes de durmir, se xeran ondas Alfa.

ALGUNHAS CUESTIÓNS DE AXUDA

Tipo de letra: Arial

Tamaño: 20 (no título), 14 (na palabra), 12 (no resto)

Estilo: en negra (TÍTULO DO TRABALLO, PALABRA e Título de sección), o resto en redonda.

Cando hai varios autores sóense colocar os seus nomes por orde alfabética do apelido.

As seccións irán precedidas de liña en branco e seguidas de dous puntos. Comezarase a escribir o seu contido debaixo do nome da sección.

Definición:
Orixe:
Usos na actualidade:
Frases feitas:
Refráns:
Sinónimos:
Antónimos:
Familia léxica:
Palabra noutros idiomas:

Castelán:

Catalán:

Éuscaro:

Francés:

Inglés:

Portugués:
Curiosidades:

* Só se cubrirán aqueles apartados dos que teñamos datos.

Definición:

Na definición simplemente tedes que copiar a do dicionario da RAG que podedes consultar na web da RAG ou no Portal das Palabras.

Refráns:

Para atopar refráns podemos buscar no Refraneiro Galego de Taboada Chivite facendo unha procura pola palabra que queremos atopar.

Familia léxica:

Para atopar a familia léxica dunha palabra temos que facer unha busca avanzada no dicionario.

Imos ao apartado contén da busca avanzada e alí escribimos o lexema da palabra p.ex. para buscar a familia léxica da palabra “acougo” escribiriamos o lexema “acoug” e como resultado veriamos as palabras que conteñen esa secuencia. Hai que ter en conta que nalgúns casos tamén nos poden aparecer palabras doutras familias léxicas que non teñan nada que ver. Deberemos ser nós os que seleccionemos as correctas.

Palabra noutros idiomas:

Fixádevos que a palabra noutros idiomas vai en redonda o idioma seguido e dous puntos e logo a palabra en cursiva.

Curiosidades:

Todas as palabras deben ter apartado de curiosidades, é aquí onde deberedes investigar ata dar con información que relacione a vosa palabra con outras cuestións de interese.

Ampliación do prazo de entrega do traballo trimestral

Co fin de que os traballos vaian o mellor posible, amplíase o prazo de entrega ata o día 20.

*Se en cada clase houbese 2 persoas dispostas a subir á web os traballos dos seus compañeiros daquela poderiades entregar todos ata o día 25 pero só nese caso.

**En canto teña a intro e o remate en vídeo xa volos colgo para que os incorporedes ás vosas producións.

Actualización e simplificación das normas de entrega

Como hai alumnado que está a ter problemas coas entregas imos simplificar aínda máis o procedemento.

Para isto imos ver un exemplo de entrega para un setestrelo que ten como título Mamíferos dunha alumna de 4A que vai facer as seguintes palabras: can, gato, mono, vaca, elefante, cabalo, porco.

Os correos hainos que enviar ao enderezo: 
pilarponteclases@gmail.com

O asunto dos correos ten que ser:

curso_títulodosetestrelosenacentos

4A_mamiferos

Hai que enviar 2 correos:
1º correo para solicitar as palabras do setestrelo.
Chégache unha resposta dicíndoche as palabras que tes adxudicadas para poder continuar.

2º correo para entregar o setestrelo.

O nome do arquivo de texto .doc con todo o setestrelo ten que ser:

curso_títulodosetestrelosenacentos.doc

4A_mamiferos.doc

O nome do arquivo .jpg da imaxe da introdución ten que ser:

curso_títulodosetestrelosenacentos_intro.jpg

4A_mamiferos_intro.jpg

O nome dos 7 arquivos das palabras ten que ser:

nomedapalabra.jpg

can.jpg

gato.jpg

mono.jpg

vaca.jpg

elefante.jpg

cabalo.jpg

porco.jpg

Chégache unha resposta co setestrelo corrixido para que poidas continuar e gravalo en vídeo.


Gravas en vídeo en formato .avi ou .mov a introdución e as 7 palabras por separado.
O nome do vídeo de cada palabra ten que ser:
nomedapalabra.avi

can.avi

gato.avi

mono.avi

vaca.avi

elefante.avi

cabalo.avi

porco.avi

Despois cun programa de edición de vídeo unes nun único arquivo a introdución e as sete palabras para formar o teu setestrelo, o seu nome ten que ser:
nomedosetestrelo.avi
mamiferos.avi
A continuación copias nun pendrive os 8 arquivos de vídeo, o do setestrelo e os das 7 palabras.
1 nomedosetestrelo.avi + 7 nomedapalabra.avi
No caso da nosa alumna do exemplo tería que gardar os seguintes arquivos:
mamiferos.avi 

can.avi

gato.avi

mono.avi

vaca.avi

elefante.avi

cabalo.avi

porco.avi

Para rematar, copias os 8 arquivos no ordenador da túa aula na carpeta do escritorio co nome Unha nube chea de palabras antes do día da entrega.

Cada alumno ou alumna deberá presentar dúas producións: 1 setestrelo relacionado dalgún xeito coa literatura ata o século XIX incluído e unha actividade de léxico con Ardora. Nos casos que se considere no canto dun setestrelo poderase entregar unha pílula informativa.

Prazos:
1º Prazo - 15 de maio - deberá estar entregado o setestrelo nas súas dúas versións.
2º Prazo - 18 de maio - deberá estar entregada a actividade de léxico.
3º Prazo - 22 de maio - por sorteo, poderán entregar o día 22 a actividade de léxico o seguinte alumnado 1A (números 13 Hugo ao 19 Abel e 1 Brais ao 3 Nagay) e 1B (números 4 Darío ao 13 José Piñeiro).

*No caso de que se faga o traballo en parellas ou tríos, para poder entregar a actividade de léxico o día 22 todos os integrantes deberán estar na listaxe do 3º prazo.

** Os setestrelos e actividades de léxico reservaranse no enderezo pilarponteclases@gmail.com e adxudicaranse por orde de chegada dos correos.  

** Se nunha parella unha das persoas ten prazo para o 18 e outra para o 22, deberán entregar as producións grandes o 18 e poderán deixar as pequenas para o 22.

**As persoas que fagan unha pílula e tres palabras deberán seguir as instrucións para as palabras como no setestrelo. No caso da pílula deberán entregar o texto, ou no seu caso o índice de contidos, previamente por correo para ser aprobado. No caso de entregar só o guión deberán ter en conta que a súa entrega será avaliada segundo o nivel de lingua presentado en canto a incorreccións de calquera tipo.
 
Se seguides as instrucións paso a paso non haberá ningún problema.

Saúdos e ánimo.

Setestrelo - Un achegamento diferente ás palabras

Déixovos aquí unha presentación que vos pode axudar a realizar un setestrelo máis completo e de maior calidade.

Traballos 3ª Avaliación

Cada alumno ou alumna deberá presentar dúas producións: 1 setestrelo relacionado dalgún xeito coa literatura ata o século XIX incluído e unha actividade de léxico con Ardora.

Prazos:
1º Prazo - 15 de maio - deberá estar entregado o setestrelo nas súas dúas versións.
2º Prazo - 18 de maio - deberá estar entregada a actividade de léxico.
3º Prazo - 22 de maio - por sorteo, poderán entregar o día 22 a actividade de léxico o seguinte alumnado 1A (números 13 Hugo ao 19 Abel e 1 Brais ao 3 Nagay) e 1B (números 4 Darío ao 13 José Piñeiro).

*No caso de que se faga o traballo en parellas ou tríos, para poder entregar a actividade de léxico o día 22 todos os integrantes deberán estar na listaxe do 3º prazo.

** Os setestrelos e actividades de léxico reservaranse no enderezo pilarponteclases@gmail.com e adxudicaranse por orde de chegada dos correos.

Que é un setestrelo?
É un conxunto de sete palabras especiais que se relacionan entre si e dan en brillar coma o Setestrelo (as 7 grandes das Pléiades), cada unha delas ou o seu conxunto.

Que ten que ter o noso setestrelo?
O noso setestrelo ten que ter: 1 PORTADA + 7 PALABRAS
1 PORTADA: cun texto de introdución ao setestrelo
7 PALABRAS: que brillen dentro do seu conxunto, que polo motivo que sexa, merezan ser coñecidas.

Como ten que ser a portada?
Na portada deben aparecer 1 texto de introdución e 1 imaxe.
O texto introdutorio debe ter unha extensión entre 1500 e 2000 caracteres, é importante poñer en relación o noso setestrelo coa realidade (cunha noticia ou acontecemento acto actual, coa vida cotiá das persoas, etc.).
A imaxe ten que estar libre de dereitos, isto é, ten que ter licenza compartida Creative Commons.

Que ten que aparecer en cada palabra?
Todas as palabras tanto do setestrelo como do dicionario visual van ter a mesma estrutura.
Imaxe: 
Definición:
Orixe:
Usos na actualidade:
Frases feitas:
Refráns:
Sinónimos:
Antónimos:
Familia léxica:
Palabra noutros idiomas: castelán, catalán, éuscaro, francés, inglés, portugués.
Curiosidades:

* Só se cubrirán aqueles apartados dos que teñamos datos.
* O setestrelo terá dúas publicacións, unha textual en web e outra en vídeo.
* O setestrelo deberá estar completamente rematado para o venres 15 de maio.

A memoria da choiva I - Compilación do léxico

Instrucións de organización do alumnado para a elaboración colaborativa do léxico da obra A memoria da choiva de Pedro Feijoo.

	1A	1B
número na aula	páxinas	páxinas
1	1-14	269-282
2	15-28	283-296
3	29-42	297-310
4	43-56	311-324
5	57-70	325-338
6	71-84	339-352
7	85-98	353-366
8	99-112	367-380
9	113-126	381-395
10	127-140	396-410
11	COMPILADOR	411-426
12	141-154	REVISORA
13	155-168	427-441
14	REVISORA	442-456
15	169-182	457-469
16	183-196	COMPILADOR
17	197-210	COMPILADOR FINAL
18	211-254	exenta
19	255-268	REVISORA FINAL
FUNCIÓNS
BUSCADORES Buscar nas páxinas adxudicadas o léxico descoñecido ou que poida presentar dificultades á hora de ser utilizado nunha creación textual. O formato das entradas debe ser, palabra en negriña e con maiúscula inicial, dous puntos, definición. Ex.: Palabra: Definición. Ordenar ese léxico alfabeticamente. Pasarlle o corrector. Enviarlle un arquivo con identificación ao compilador do seu grupo.
COMPILADORES Deben compilar o léxico de toda a súa aula. Ordenalo alfabeticamente eliminando as posibles repeticións. Pasarlle o corrector. Comprobar que o formato de todas as entradas é igual. Enviarllo á persoa encargada da revisión na súa aula.
REVISORES Debe darlle a última revisión ao arquivo comprobando a orde alfabética, a revisión ortográfica e a non repetición de palabras. Debe enviarlle o léxico da súa aula nun único arquivo ao compilador final. Debe crear unha listaxe de correo da súa aula. Debe enviarlle ao alumnado da súa aula a versión que lle facilite a revisora final.
COMPILADOR FINAL Debe xuntar nun único arquivo os léxicos de todo o libro enviados polas dúas aulas. Debe comprobar a orde alfabética e eliminar as entradas repetidas. Debe pasarlle o corrector. Debe comprobar que o formato de todas as entradas é igual. Debe enviarlle o arquivo final á revisora final.
REVISORA FINAL Debe darlle a última revisión ao arquivo comprobando a orde alfabética, a revisión ortográfica e a non repetición de palabras. Debe enviar o arquivo a: pilarponteclases@gmail.com e aos revisores das dúas aulas para que á súa vez llelo faciliten aos seus compañeiros e compañeiras para que poidan ir avanzando no estudo do léxico de cara ao exame.
PRAZOS Indícanse as datas límite para a entrega do traballo asignado. Prazo compiladores: 8 de abril Prazo revisores: 10 de abril Prazo compilador final: 12 de abril Prazo revisora final: 14 de abril Exame do libro: 24 de abril

AVISO ENTREGA TRABALLOS TRIMESTRAIS

Quen o desexe poderá actualizar o seu blog ata o xoves 19 de xuño ás 19:00.
Non esquezades incluír os seguintes elementos:
- Índice de composicións
- Índice de intérpretes
- Autoría e tipo de licenza Creative Commons
- Contador de visitas
Non esquezades tampouco ocultar o arquivo do blog e a indicación de data en formato de letra se tedes como lingua de blog o castelán.
Todos os elementos que se vexan estarán en galego.
Saúdos e ánimo que xa non queda nada!

Traballo trimestral 3ª avaliación

O traballo trimestral poderá facerse de xeito individual ou en grupos de dúas persoas.

Tedes 3 opcións de traballos:

- Rosalía de Castro musicada (formato blog ou wiki).
- Curros Enríquez musicado (formato blog ou wiki).
- Videopoema cívico (seguindo as instrucións do proxecto Na vea cívica dos profesores Xano Cebreiro e Sofía Rama).

Déixovos un minititorial sobre como abrir un blog en Blogger, tede en conta que é de 2009 e hai pasos que xa cambiaron.

Séculos Escuros II

E agora unhas persoas que quizais coñezades vos van explicar os Séculos Escuros.

Traballo para a ponte e a semana do 5 de maio

Nesta presentación do profesor Román Landín atoparedes as principais claves da literatura galega medieval.

Literatura Galego-Portuguesa Medieval from Román Landín

Nestoutra presentación da profesora Loli Cid tedes un resumo da prosa medieval.

Prosa medieval from Loli Cid Cid

Páx. 230 (7, 8)
Páx. 234 (2, 3, 6, 9)
Páx. 249 (6, 7, 9, 10)

Con isto e ir adiantando o estudo da teoría da literatura medieval considero que tedes traballo abondo para cubrir os deberes e as gardas correspondentes.

* O luns 5 pola tarde e  o martes 6 non acudirei ao instituto.

Traballo pendente semana 28 de abril de 2014 en diante

A partir do 28 de abril:
1º día - exame lingua.
2º día -  páxs. 224 e 225 (todos os exercicios)
3º día -  páxs. 224 e 225 (todos os exercicios) e mapa conceptual da Unidade 14

O martes 29 a 1º BAC B irá unha persoa de garda, durante esa sesión traballaredes nas prácticas arriba indicadas.

E medio ano despois seguimosssss...

AVISO ENTREGAS 21 DÍAS CO GALEGO

Estou atopando que dentro de moitos correos co asunto ben, veñen os arquivos mal identificados ou sen identificación, así éme imposible ordenar o material e corrixilo.
Lémbrovos por última vez que tanto o ASUNTO como o ARQUIVO teñen que ter o seguinte formato:
1A_apelido_apelido_nome_21DCG_dia01

Non se admitirán aqueles correos ou arquivos entregados de forma incorrecta.

Por falta de tempo, non se enviará correo de aviso daqueles que sexan entregados de xeito incorrecto. 

TODO O MUNDO TEN QUE ENTREGAR TODO BEN! 

*Poderanse reenviar arquivos ata o domingo 29.

AVISO IDENTIFICACIÓN DE DOCUMENTOS

Despois de máis de dous meses de curso considérase rematado o prazo de aprendizaxe do protocolo de entrega de traballos e envío de correos electrónicos. 

De agora en diante, cando un correo se entregue correctamente recibirá a súa confirmación de recepción, se é entregado de xeito incorrecto non recibirá nada e considerarase non entregado o traballo.

Protocolo de entrega de traballos (identificación de documentos)

Sinálanse aquí as normas para a correcta identificación de documentos:

Identificación persoal

Estrutura: cursoegrupo_apelido_apelido_nome

*Nos traballos en grupo a identificación será a da persoa que se elixa como voceira ou persoa de contacto do grupo

Ex.:

4A_ponte_patiño_pilar

Arquivo

Estrutura: identificación_nomedoarquivo_nº

*O número indicarase só no caso de arquivos que formen parte de listaxes, p.ex. nos podcast. A numeración realizarase sempre con dous díxitos para o seu correcto arquivado.

Exs.:

4A_ponte_patiño_pilar_olecernamocidade

4A_ponte_patiño_pilar_aprofa_01

Correo electrónico

Estrutura: identificación asunto

Exs.:

4A_ponte_patiño_pilar O lecer na mocidade

4A_ponte_patiño_pilar Dúbida para o exame

4A_ponte_patiño_pilar Podcast Aprofa 01